അച്ചാറുകള് ഇടുന്ന പോലെ ഉപ്പിലിട്ടു വയ്ക്കുന്ന ക്യാബേജ് മസാലകള് ചേര്ക്കാതെ ഉപയോഗിക്കുന്നത് ശരീരത്തിന് ഏറെ ഉത്തമമാണ്. ദിവസവും ഇത് അല്പം വീതം കഴിയ്ക്കുന്നത് വയറ്റിലും കുടലിലും വരാനിടയുള്ള ക്യാന്സറുകളെ തടയും. ഇതില് അയേണ് ധാരാളമുണ്ട്. ഇതുകൊണ്ടുതന്നെ അനീമിയ പോലുള്ള രോഗങ്ങള് തടയാനും ഏറെ നല്ലത്.
വൈറ്റമിന് സി ധാരാളമുള്ളത് കൊണ്ട് ഇത് ശരീരത്തിന് പ്രതിരോധശേഷി നല്കുന്നു. ശ്വേതാണുക്കളുടേയും കൊളാന്റേയും ഉല്പാദനം വര്ദ്ധിപ്പിയ്ക്കുന്നു. എല്ലുകളുടെ ആരോഗ്യത്തിന് ഏറെ മികച്ചതാണ്. ചീത്ത കൊളസ്ട്രോള് കുറയ്ക്കാന് കഴിയുന്നതു കൊണ്ടുതന്നെ ഹൃദയാരോഗ്യത്തിനും ഇത് ഏറെ മികച്ചതാണ്. കൂടാതെ ചര്മരോഗ്യത്തിനും കണ്ണിന്റെ കാഴ്ചയ്ക്കും ഈ രീതിയില് തയ്യാറാക്കുന്ന ക്യാബേജ് ഏറെ ഗുണകരമാണ്.
അറിയാം കാബേജിന്റെ ആരോഗ്യ ഗുണങ്ങള്…
വിറ്റാമിന് സി ധാരാളം അടങ്ങിയ കാബേജ് പ്രതിരോധശേഷി വര്ധിപ്പിക്കാന് സഹായിക്കും. 100 ഗ്രാം കാബേജില് 36.6 മില്ലിഗ്രാം വിറ്റാമിന് സി അടങ്ങിയിട്ടുണ്ട്. അതിനാല് കാബേജ് നിങ്ങളുടെ ഡയറ്റില് ഉള്പ്പെടുത്തുന്നത് പ്രതിരോധശേഷി വര്ധിപ്പിക്കാന് സഹായിക്കും.
കലോറി വളരെ കുറഞ്ഞ കാബേജ് വണ്ണം കുറയ്ക്കാന് ആഗ്രഹിക്കുന്നവര്ക്കും ഡയറ്റില് ഉള്പ്പെടുത്താം. ഫൈബര് അടങ്ങിയ കാബേജ് കഴിക്കുന്നത് വിശപ്പിനെ നിയന്ത്രിക്കാന് സഹായിക്കും.
ദഹനത്തിനും മികച്ചതാണ് കാബേജ്. ഫൈബര് ധാരാളം അടങ്ങിയ കാബേജ് ദഹനം മെച്ചപ്പെടുത്താന് സഹായിക്കും.
ഹൃദയത്തിന്റെ ആരോഗ്യത്തിനും കാബേജ് കഴിക്കുന്നത് നല്ലതാണ്. ഇവ കൊളസ്ട്രോളിനെ നിയന്ത്രിക്കുകയും അതുവഴി ഹൃദയത്തിന്റെ ആരോഗ്യം സംരക്ഷിക്കുകയും ചെയ്യും.
ഉയര്ന്ന രക്തസമ്മര്ദ്ദത്തെ കുറയ്ക്കാനും കാബേജിന് കഴിയുമെന്നാണ് പഠനങ്ങള് പറയുന്നത്. കാബേജില് അടങ്ങിയ പൊട്ടാസ്യമാണ് ഇതിന് സഹായിക്കുന്നത്.
കാബേജില് അടങ്ങിയ ആന്റി ഓക്സിഡന്റുകൾ ഫ്രീറാഡിക്കലുകളെ അകറ്റി ക്യാൻസർ സാധ്യത കുറയ്ക്കുന്നു.
