ഇരുമ്ബന് പുളി, ഇലുമ്ബി പുളി എന്നെല്ലാം അറിയപ്പെടുന്ന ഈ ഫലം പല ആരോഗ്യ ഗുണങ്ങളും നല്കുന്ന ഒന്നാണ്. നമ്മെ ഒരു പ്രായം കഴിഞ്ഞാല്, ഇന്നത്തെ കാലത്ത് ചെറുപ്പത്തില് തന്നെ ബാധിയ്ക്കുന്ന പല രോഗങ്ങളുമുണ്ട്.
ഇതില് പ്രമേഹവും കൊളസ്ട്രോളുമെല്ലാം പ്രധാനമാണ്. പലതിനും നമ്മുടെ തൊടിയിലും ചുറ്റുവട്ടത്തും മരുന്നുമുണ്ട്. ഇതില് പ്രധാനപ്പെട്ട ഒന്നാണ് ഇരുമ്ബന് പുളി. നല്ല പുളി രുചിയുള്ള ഇത് ഏറെ പോഷകങ്ങളാല് സമ്ബുഷ്ടവുമാണ്. ശാരീരിക ആരോഗ്യത്തിന്്റെ അടിസ്ഥാന അവശ്യ ഘടകങ്ങളായ കാര്ബോഹൈഡ്രേറ്റ്, നാരുകള്, പ്രോട്ടീന് എന്നിവയ്ക്ക് പുറമേ, വിറ്റാമിന് സി, വിറ്റാമിന് ബി , കാല്സ്യം, ഇരുമ്ബ്, ഫ്ലേവനോയ്ഡുകള്, ടാന്നിന്സ്, ടെര്പെന്സ് എന്നിവയും ഇതില് ഉയര്ന്ന അളവില് അടങ്ങിയിട്ടുണ്ട്. ആരോഗ്യത്തിന് ഏറെ ഗുണം നല്കാന് പുളിയ്ക്കുന്ന ഈ നാടന് ഫലത്തിന് കഴിയും.
ഗ്ലൂക്കോസ് അളവ്
ശരീരത്തിലെ ഇന്സുലിന് പ്രവര്ത്തനത്തെ ക്രമപ്പെടുത്തി രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനുള്ള വിലയേറിയ ഗുണങ്ങള് ഇരുമ്ബന് പുളിയിലുണ്ട്. നമ്മള് നിത്യവും കഴിക്കുന്ന ഭക്ഷണപദാര്ത്ഥങ്ങളില് നിന്നും രക്തത്തിലേക്ക് എത്തിച്ചേരുന്ന ഗ്ലൂക്കോസ് അളവ് കുറയ്ക്കാന് ഇതിലെ ഫ്ലേവനോയിഡുകളും നാരുകളുമെല്ലാം സഹായിക്കും. ഈയൊരു കാരണം കൊണ്ട് തന്നെയാണ് പണ്ടുമുതല്ക്കേ ആയുര്വേദ ചികിത്സാവിധികളില് പ്രമേഹ ലക്ഷണങ്ങളെ നിയന്ത്രിക്കാന് ശേഷിയുള്ള മരുന്നുകളില് ഒന്നായി ഇതിനെ കണക്കാക്കിയിരിക്കുന്നത്.
ബി.പി
ആന്റി ബയോട്ടിക് ഗുണമുള്ള ഒന്നാണിത് മുറിവുകള്ക്ക് മീതേ പുരട്ടാന് ഏറെ നല്ലത്. ഇതിന്റെ ഇല വെളുത്തുള്ളിയുമായി ചേര്ത്തരച്ച് മുറിവുകള്ക്കു മുകളില് പുരട്ടാം. അമിത വണ്ണത്തിനുള്ള നല്ലൊരു പരിഹാരം കൂടിയാണിത്. ബിപി നിയന്ത്രിയ്ക്കാന് പ്രത്യേക രീതിയില് ഇത് ഉപയോഗിയ്ക്കാം. രണ്ടോ മൂന്നോ പുളികള് 3 കപ്പ് വെള്ളത്തിലിട്ട് തിളപ്പിച്ച് ഇത് പകുതിയാകും വരെ വറ്റിയ്ക്കുക. ഇത് ഇളം ചൂടോടെ രാവിലെ കുടിയ്ക്കുന്നത് ഹൈപ്പര് ടെന്ഷനുള്ള നല്ലൊരു മരുന്നാണ്. മസിലുകളുടെ വേദനയ്ക്കും ചുമയ്ക്കുള്ള മരുന്നായുമെല്ലാം ഇത് ഉപയോഗിയ്ക്കാം.
രോഗങ്ങളെ ചെറുക്കാന്
ഇരുമ്ബന് പുളിയില് വിറ്റാമിന് സി ഉയര്ന്ന അളവില് അടങ്ങിയിട്ടുണ്ട്. ഇത് ശരീരത്തിന് പ്രതിരോധ ശേഷി നല്കുന്ന ഒന്നാണ്. രോഗങ്ങളെ ചെറുക്കാന് സഹായിക്കുന്ന ഒന്ന്. ശരീരത്തില് ഉണ്ടാവുന്ന അലര്ജികളും പ്രതികരണം തടയാന് ഇത് മികച്ചതാണ്. ചുമയും ജലദോഷവും അടക്കമുള്ള ഒട്ടുമിക്ക ആരോഗ്യപ്രശ്നങ്ങളും അകറ്റി നിര്ത്തിക്കൊണ്ട് ശരീരത്തിന്റെ പ്രതിരോധ സംവിധാനങ്ങളെ ഇത് ശക്തിപ്പെടുത്തുന്നു. എല്ലുകളുടെ ആരോഗ്യത്തിന് മികച്ച ഒന്നു കൂടിയാണിത്. ഇത് എല്ല് തേയ്മാനം പോലുള്ള പ്രശ്നങ്ങള്ക്ക് നല്ല മരുന്നാണ്. ഇതിലെ കാല്സ്യമാണ് ഈ പ്രത്യേക ഗുണം നല്കുന്നത്.
ഹൃദയാരോഗ്യത്തിന്
ഹൃദയാരോഗ്യത്തിന് ഇതേറെ നല്ലതാണ്. കൊളസ്ട്രോള്, ബിപി എന്നിവ കുറയ്ക്കുന്നതാണ് ഇതിന് സഹായിക്കുന്നത്. ഇത് വെറുതേ കഴിയ്ക്കുന്നതും കറികളില് ചേര്ത്ത് കഴിയ്ക്കുന്നതുമെല്ലാം സഹായിക്കുന്നു. ഇത് ഉണക്കി കഴിയ്ക്കാം. ഗുണമേറെയാണ്. കൊളസ്ട്രോള്, ബിപി കുറയ്ക്കാന് ഇതേറെ നല്ലതാണ്. ഇതിലെ ആന്റി ഓക്സിഡന്റുകളുടെയും പ്രോട്ടീനുകളുടെയും സാന്നിധ്യം രക്തസമ്മര്ദ്ദ പ്രശ്നങ്ങള് എളുപ്പത്തില് കുറച്ചു കൊണ്ടുവരുന്നതിന് സഹായിക്കും. ഇരുമ്ബന് പുളി. ചൂടുവെള്ളത്തിലിട്ട് തിളപ്പിച്ച കഷായം പതിവായി കഴിക്കുന്നത് രക്തക്കുഴലുകളില് ഉയര്ന്ന മര്ദ്ദം കുറച്ചുകൊണ്ട് ധമനികള്, ഞരമ്ബുകള്, ഹൃദയ അറകള് തുടങ്ങിയവയെ ആരോഗ്യകരമായി നില നിര്ത്താന് സഹായിക്കുന്നു.
പൈല്സ്
പൈല്സ് പോലുള്ള രോഗങ്ങളെ പ്രതിരോധിയ്ക്കാന് ഇതിന് കഴിയും. ഈ ഫലവും ഇതിന്റെ ഇലകളും ഇതിന് നല്ലതാണ്. പൈല്സ് ചികിത്സിക്കുകയും വേദന, വീക്കം, രക്തസ്രാവം എന്നിവ കുറയ്ക്കുകയും ചെയ്യുന്നു. ടാന്നിന്സ്, ടെര്പെന്സ് എന്നീ ആന്റി ഇന്ഫ്ളമേറ്ററി ഘടകങ്ങള് പൈല്സ് പരിണിത ഫലമായി വരുന്ന വേദനയും അസ്വസ്ഥതയും തടയാന് നല്ലതാണ്. ഇതിലെ നാരുകള് ദഹനവും ശോധനയുമെല്ലാം നല്ലതു പോലെ ഉണ്ടാകാന് സഹായിക്കുന്നു. കുടല് ആരോഗ്യത്തിന് ഇത് നല്ലതാണ്.
